Para sa convenor sang Save Sugar Industry Movement indi estable ang mga polisa sang Sugar Regulatory Administration (SRA).
Sa interview sang Bombo Radyo Bacolod kay Wennie Sancho, nagpaggwa sang statement ang SRA nga wala sila nakumporme sa mga datos nga ginpagwa niya angot sa sugar industry.
Suno diri, ang Sugar Order no. 2 kag 3, gin-issue sang SRA board sang Enero 9 apang ini ginpahibalo sa stakeholders sang Enero 23 na.
Mahibaloan nga ang Sugar Order no.2 nagapahanugot sa sugar-buying scheme para sa traders kun sa diin sa kada apat ka bag sang locally produced sugar nga napurchase sa P2,300 kada isa, dapat ang isa ka bag ireserve para sa exporatation sa balor nga P1,200 per bag.
Samtang ang Sugar Order no. 3 naman amo nga sa kada isa ka bag sang kalamay nga naexport, tatlo ka bag sang imported nga kalamay ang magasulod sa domestic market.
Suno kay Sancho, ang duha ka Sugar Order makabig nga backdoor para sa import liberalization.
Pahayag sang convenor, dapat may transparency agud nga mapahibalo ang stakedholders kag ang mga small planters ilabi na nga wala man sang garantiya nga may hugot nga monitoring sa sugar industry.
Pahayag sini, kun maglala pa gid ang industriya sang kalamay, tuman gid nga maapektohan sini amo ang mga Negrosanon.
