-- ADVERTISEMENT --
Gindagdagan sang subpoena sang Department of Justice (DOJ) sanday Senador Jinggoy Estrada, former Department of Public Works and Highways (DPWH) Secretary Manuel Bonoan, kag former Senador Bong Revilla.
Suno kay DOJ Spokesman Atty. Polo Martinez, ang pagpatawag sa tatlo ka mga personalidad ang may kaangtanan sa ginapangatubang nga plunder cases sang mga ini sa DOJ angot sa flood control projects.
Ginmanduan sang ahensya ang tatlo ka mga natumod nga indibidwal nga mag-atubang sa gintalana nga preliminary investigation sa Pebrero 1 kag Pebrero 12, 2026.
Sa nasambit nga petsa, ginalauman nga sabton nanday Estrada, Bonoan, kag Revilla ang mga alegasyon batok sa ila.
