Patay ang 83-anyos nga babayi matapos aksidente nga mabugguan sang pick-up sa Araneta St, Brgy. Sum-ag, Bacolod City alas-7:00 kagab-i, Enero 31.
Ginkilala ang biktima nga si Susana Despojo kag resident sang Fiesta Homes, Barangay Sum-ag, Bacolod City.
Sa insiyal nga impormasyon, ang pick-up nga ginamaneho ni Robert Ted Tolosa ,49-anyos, lalaki, kasado kag residente sang Mabini Street, Brgy. II, Ilog, Negros Occidental ang halin sa norte pakadto sa sur nga direksyon sang Araneta St.
Sang yara na sa lugar sang insidente, aksidente sini nga nabugguan ang biktima nga nagatabok sa dalan.
Ang biktima ang nakaagom sang pilas sa bahin sang lawas kag gilayon nga gindala sa South Bacolod General Hospital apang gindeklarar nga dead on arrival.
Sa karun, ang driver kag ang salakyan ang yara sa kustodiya sang Police Station 9 para sa nagakaigo nga disposisyon.
