Duha ka grupo ang nagfile sang separado nga impeachment complaints batok kay Vice President Sara Duterte matapos nga gindeklarar sang Supreme Court nga unconstitutional ang articles of impeachment batok sa bise presidente.
Ang una gin-endorso sanday Makabayan lawmakers Antonio Tinio, Renee Co, kag Sarah Elago, kaupod si former lawmaker France Castro kag Neri Colmenares.
Ang complaint nga ginrefile sa Office of the House Secretary General may kaangtanan sa betrayal sang public trust angot sa misuse sang confidential funds.
Samtang, sanday ML party-list Representative Leila de Lima kag Akbayan party-list Representative Perci Cendaña naman ang nag-endorso sa second complaint ang ginfile sanday Tindig Pilipinas’ Francis “Kiko” Aquino Dee kag Sylvia Estrada Claudio, kag civil society leaders.
Ang ikaduha nga complaint naga-unod sang alegasyon sa pagbayolar sang konstitusyon, graft and corruption, bribery, betrayal of public trust, kag iban pa.
