Para sa secretary general sang General Alliance of Workers Association (GAWA) kaangay nga makapanubo sa morale sang tawo nga mahibaloan nga mahimo ma-manipular sang dalagko nga kompanya ang negosyo kag gobyerno sa Pilipinas.
Madumduman nga nagfile sang criminal complaint ang Securities and Exchange Commission batok kanday Villar Land chairperson Manuel Villar, former senator Cynthia Villar, directors Cynthia Javarez, Manuel Paolo Villar, Camille Villar kag Mark Villar, kasubong man ang independent directors nga sanday Ana Marie Pagsibigan and Garth Castañeda bangod sa market manipulation, insider trading kag misleading disclosures.
Sa interview sang Bombo Radyo kay Wennie Sancho, makapanubo sa morale sang tawo nga mahibaloan nga kun may puder ukon impluwensya ang isa ka kompaniya, mahimo sini mainto bisan pa ang gobyerno.
Suno diri, dapat maregulate ang mga existing industry kag company agud nga indi sila makahimo sang lusot.
Nagapati si Sancho nga kun madamo pa sang kompanya nga nagahimo sang pagpang-into kaangay sang Villar Land Holdings Corp, mahimo nga maguba ang ekonomiya, masaka ang unemployment rate kag indi na magkooperar ang iban nga investors.
