Nagdangat sa 418 ka indibidwal ang nagsunod sa preemptive evacuate sa banwa sang Moises Padilla.
Sa interview sang Bombo Radyo Bacolod kay Moises Padilla Municipal Disaster Risk Reduction and Management Office Head Reynald Horegue, halin kahapon asta sang udtom light to moderate lamang ang nabatyagan nila nga pag-ulan.
Apang amat-amat na nga nagbaskog sang pagdangat sang hapon.
Padayun man ang pagbantay nila sa mga suba, kun sa diin may overflow na nga indi malabayan sang tawo, kag mga dalagko nga trucks na lamang ang maka-agi.
Isa sa ginabantayan sa karun sang banwa ang posibilidad sang lahar flow gikan sa Bulkan Kanlaon.
Suno diri, kun basihan ang Bagyo TINO, halos tanan sa 15 ka Barangay sa Moises Padilla ang nakaeksperyensya sang pagbaha.
Ang mga nagpreemptive evacuation amo ang mga gikan sa Crossing Magallon, Brgy 1 kag Brgy 3, nga tuman ka nahalitan sang maglabay ang Bagyo TINO.
Ginapakamaayo naman ni Horegue nga indi na tuman ka budlay ang pagkumbinser sa mga pumuluyo nga mag-evacuate bangod nakatuon na sila sang leksyon sa nakaligad nga mga bagyo.
