Ginpahayag sang spokesperson sang Bureau of Jail Management and Penology (BJMP) -Negros Island Region (NIR) nga epektibo ang ginpatigayon nga security measures sa pagkadakop sang mga nagatuyo magpasulod sang mga kontrabando sa jail facilities.
Sa interview sang Bombo Radyo Bacolod kay Jail Senior Inspector Atty. Juniven Umadhay, spokesperson sang Bureau of Jail Management and Penology (BJMP) – Negros Island Region (NIR), ang pag-intercept sang mga illegal nga druga nga tuyo ipasulod sa jail facility ang nagapakita nga epektibo ang ginahimo nga security measures.
Nahibaluan nga may isa naman ka babayi nga nadakpan matapos nga tuyo kuntani magpasulod sang illegal nga druga nga jail facility sang BJMP-Handumanan kun sa diin nakahunong ang partner sini matapos madakpan bangud sa illegal nga druga.
Gin-apresyar man ni BJMP-NIR regional director nga si Jail Chief Superitendent Brendan Fulgencio ang mga efforts nga ginahimo sang mga jail officers agud nga wala sang makalusot nga kontrabando sa mga jail facilities.
