May patigayonon nga conference subong nga adlaw angSpecial Investigation Task Group (SITG) angot sa pagpanglampos sang bato sa tatlo ka mag-ululutod nga menor de edad sa Hda. Badiang, E lopez, Silay City.
Madumduman nga napatay ang siyam ka tuig nga bata nga babayi matapos ginlampusan sang bato sa ulo kag likod samtang kritikal naman ang 15 anyos nga babayi nga nabuka ang panga kag estable na ang kondisyon sang apat ka tuig nga lalaki.
Sa interview sang Bombo Radyo Police Col. Edison Garcia, hepe sang Silay City Police Station, may patigayonon nga conference para sa lakat sang imbestigasyon sa krimen.
Suno diri, wala na sang may ginpatigayon nga pag-autopsy sa bangkay sang siyam ka tuig nga biktima matapos nga magpamalibad ang pamilya.
Sa karun padayon nga nagapa-ayo sa ospital ang 15- anyos nga natigayon na nga maoperahan.
