Presyo sang gasolina, nagsaka sang 60 sentimos kada litro; presyo sang diesel, nagsaka sang piso

Liwat naman nga nagpatuman sang price hike subong nga semana sa presyo sang produktong petrolyo.

Sa magkatuhay nga advisories gikan sa Chevron Philippines Inc. (Caltex), Petron Corp., Seaoil Philippines Corp., kag Shell Pilipinas Corp. ang nagpatuman sang pagsaka sa presyo sa kada litro sang gasolina nga P0.60, diesel P1.00, kag kerosene P0.60.

Samtang ang Cleanfuel, Petro Gazz, PTT Philippines Corp., kag Unioil Petroleum Philippines Inc. ang nagpatuman man sang pareho nga price adjustment magluwas sa kerosene nga wala sa ila nga produkto.

Nangin epektibo ang price adjustment sa tanan nga oil firms alas-6:00 subong nga aga magluwas sa Cleanfuel nga magapatuman sang pagsaka sa presyo alas 4:01 karun sa hapon.