Nagpaandam ang Office of the Civil Defense – Negros Island Region sa posible nga mangin epekto sang Shearline sa Negros Island Region ilabi na sa norte nga bahin sang rehiyon.
Sa interview sang Bombo Radyo Bacolod kay OCD-NIR Director Donato Sermeno III, ginpaidalom sa Orange Rainfall Warning ang northern nga bahin sang rehiyon sa ginalauman nga dako nga volume sang ulan ang matupa.
Suno diri, ginalauman ang posibilidad sang pagluntad sang pagbaha kaangay sang natabo sang Enero nga may reported nga pagbaha sa pila ka Local Government Units bangod sa pagbubo sang madamol nga ulan tuga sang Shearline.
Dugang pa ni Sermeno, santo sa forecast mahimo nga maglab-ot sa La Niña ang epekto sang pag-ulan nga tubtob sa Pebrero.
Apang, ginalauman naman sa masunod nga bulan, maeksperyensyahan na ang generally fair weather.
Pahayag sini, padayon ang ila monitoring sa sitwasyon kag nakapreparar na ang OCD NIR pananglitan nga kinahanglanon ang ila bulig.
