Ginkumpirmar sang Guiness World Record nga ang pinakamalaba nga python amo ang natukiban sa Indonesia, santo sa opisyal nga pagtakos.
Santo sa record, gin-usisa nila ang ebidensya nga nagapamatuod nga ang nasambit nga man-og ang may kalabaon nga 23 feet kag 8 inches.
Ang kalabaon sini ang makumpara sa katunga sang isa ka basketball court ukon apat ka king-size nga higdaan.
Sa karon, yara ang python sa kustodiya nanday conservationist Budi Purwanto, lisensyado nga snake handler nga si Diaz Nugraha, kag natural history photographer nga si Radu Frentiu.
Pahayag ni Nugraha kag Frentiu, ginapangita na nila ini antes pa man natukiban sa bahin sang Indonesia bangud madamo na sila sang report nga nabatian tuhoy sa nasambit nga man-og.
Nahibaluan nga ang man-og amo ang reticulated python bangud sa patterns sa iya nga lawas nga kaangay sang isa ka lambat.
Suno kay Purwanto, ang normal nga reticulated python ang nagadako lamang sang 9 feet 10 inches tubtob 19 feet.
