Wala nalingkang ang mga opisyales sang banwa sang Kalayaan, Palawan sa pagban sa ila nga makasulod sa China lakip na sa Hong Kong kag Macau.
Sa announcement sang Chinese Embassy in the Philippines, banned ang alkalde, bise alkalde kag mga konsehal sang Kalayaan, Palawan sa pagsulod sa Chinese territory matapos nila gindeklarar nga persons non grata si Chinese ambassador to the Philippines Jing Quan persona non grata sa sulod sang municipal jurisdiction.
Sa interview sang Bombo Radyo Bacolod kay Kalayaan Municipal Mayor Beltzasar Alindogan, sang Enero 27 gin-aprubahan sang Sangguniang Bayan ang resolusyon nga nagadeklarar kay Chinese ambassador to the Philippines Jing Quan nga persona non grata.
Kasunod sini, nagpagwa sang statement ang Chineses embassy nga indi welcome si Alindogan kag 15 ka iban pa nga government officials sang banwa nga magsulod sa China, Hong Kong kag Macau.
Suno kay Alindogan, ang pagpagwa nila sang resolusyon ang bangod sa agresibo nga paminatasan sang Chinese Coast Guard sa mga magagmay nga mga manugpangisda.
Dugang pa sini, ang pagpangharass sang CCG nagakatabo malayo sa banwa apang nabudlayan na ang nga managat nga magpangita sang ila palangabuhian.
Pahayag sini, ginarespeto niya ang desisyon sang China kun indi sila pagpasudlon sa pungsod apang suno kay Alindogan wala man sila plano nga magtapak sa pihak nga teritoryo.
Ang barangay Pag-asa may yara sang komunidad kun sa diin kumpleto man ini sa basic facilities kag iban sa mga residente masobra 30 ka tuig na nga nagatinir didto.
