Gin-enganyo sang World Health Organization (WHO) ang Washington nga ipakigbahin ang ano man nga ginahawiran nga intelligence sa ginhalinan sang COVID-19 pandemic.
Ini apisar nagbiya na ang Estados Unidos sa WHO.
Suno kay WHO chief Tedros Adhanom Ghebreyesus, lakip ang US sa mga pungsod nga nagsiling nga may ideya sila kun sa diin naghalin ang virus gani nagpadala sila sang sulat sa senior officials sini.
Apang sa karun, wala gihapon sila sang may nabaton nga impormasyon.
Sa pihak sini, nagalaum ang WHO nga ipakigbahin ini sang US bangud wala pa sila nakatapos sa pag-imbestigar sa ginhalinan sang COVID agud mabuligan sila nga malikawan ang pagtuhaw sang masunod nga pandemya.
Sa iya pinakauna nga pagbalik sa opisina sang Enero 2025, ginpadala gilayon ni US President Donald Trump ang one-year withdrawal notice sang pungsod sa WHO sa rason nga indi maayo ang pagkapot sang organisasyon sa COVID-19 pandemic.
Madumduman nga nadiskubrehan sa Wuhan, China ang pinakauna nga kaso sang 2019.
