-- ADVERTISEMENT --
Gintupok sang kalayo ang isa ka balay matapos masunog sa Purok Pepsi, Zone 3, Barangay Bata, Bacolod City, pasado alas- 5:00 kaina sang kaagahon.
Sa interview sang Bombo Radyo kay Ramir Caturan, tag-iya sang balay, nagahigda ini sa sala sang nakabatyag nga naga-init ang iya tangkogo.
Suno diri, nakita niya nga nagspark ang kuryente kag nasunog ang kurtina, apang bangod madako na ang kalayo nangarumbot na lamang ini sa habol kag nagdalagan papaggwa.
Suno pa diri, may border ini nga kaupod sa balay nga nagaluto sang tocino bilang negosyo apang kaina sang aga kag kun aga nagalakat ini para magdeliver sang iya baligya.
Pahayag ni Caturan, ang balay sini ginpatukod pa nila sadto sang iya asawa kag naubos ang iya mga appliances sa sunog.
-- ADVERTISEMENT --
