Presyo sang gasolina, nagsaka sang P1.20; Diesel, nagsaka sang 60 sentimos

Liwat naman nga nagpatuman sang price hike subong nga semana sa presyo sang produktong petrolyo.

Sa magkatuhay nga advisories sang Chevron Philippines Inc. (Caltex), Petron Corp., Seaoil Philippines Corp., kag Shell Pilipinas Corp., nagpatuman sang pagtaas sa presyo sang kada litro sang gasolina nga P1.20; diesel kag kerosene nga P0.60.

Samtang ang Cleanfuel, Petro Gazz, PTT Philippines Corp., kag Unioil Petroleum Philippines Inc. ang nagpatuman man sang pareho nga price adjustment, magluwas sa kerosene nga wala sa ila nga produkto.

Nangin epektibo ang price adjustment sa tanan nga oil firms alas-6:00 subong nga aga magluwas sa Cleanfuel nga magapatuman sang pagsaka sa presyo alas 4:01 karun sa hapon.