Ginabanta isa na ka bulan nga patay ang biktima nga nasapwan nga nagaka-agnas na sa sulod sang kampo sa Simon Peter Village, Brgy. Mansilingan, Bacolod City, kahapon alas- 10:00 sang aga.
Sa interview kay PCapt Jay-R Reyes, hepe sang Bacolod City Police Station 7, wala pa sang may nagpalapit nga pamilya sa ila estasyon para magclaim sa biktima.
Suno diri, ginahulat na lang ang resulta sang post mortem examination sa rason sa pagkapatay sini.
Suno kay Reyes, nakaligad nga tatlo ka semana may napanimahoan ang mga residente sa lugar apang nagpati sila nga patay lamang ini nga sapat kag wala na nila ginsapak pa.
Kahapon, sang nagalibot ang caretaker sang kampo nasapwan sini ang kalabera sang tawo.
Ini nagasuksok sang itom nga tshirt nga may naka-print nga “beach please” kag short nga itom samtang may isa man ka sky blue nga tsinelas nga may orange nga strap ang nakit-an sa area.
