Para kay Atty Renencito Novero mahimo nga nahuya na si former President Rodrigo Duterte nga mag-atubang sa International Criminal Court bangod maisog ini sadto nga magkontra sa ICC apang sa karun siya ang nakadetain didto.
Sa interview kay Novero, husto ang ginhambal ni Atty Salvador Panelo, former Chief Presidential Legal Counsel ni Duterte, nga mas maayo kun magtambong sa “confirmation of charges” hearing ang anay presidente.
Suno kay Novero, tsansa na kun tani ni Duterte nga magpakita sang iya kaisog kag abilidad nga humalin pa sang presidente pa lang ini ginakontra na niya ang ICC.
Suno diri, ang ginahimo sang anay presidente naga-apela sa emosyon sang mga tawo kag strategic man ini bangod indi mabulong ang ginapangayo sang mga biktima nga hustisya.
Pahayag sini, ang pagpadelay sang heairng mahimo maka-apekto sa political position ni Vice President Sara Duterte sa pag-anunsyar sini nga magpapili bilang presidente apang para sa abogado mas importante ang legal nga posisyon bangod involved diri ang kabuhi, bwas damlag kag kahilwayan sang anay presidente.
