Preparado na ang Bacolod City Police Office sa patigayonon nga ika-tatlo na nga Trillion Peso march sa ciudad sang Bacolod.
Sa interview sang Bombo Radyo kay BCPO Director PCol Eugene Rebadomia, kapin sa 200 ka personnel ang igadeploy apang wala pa nafinalize ang deployment bangod posible may yara sang dugang nga maga-upod sa martsa kag mahimo nga magarequest sila sang additional personnel gikan sa headquarters sang Police Regional Office Negros Island Region.
Suno diri, ang may yara lamang sang permit amo ang makapatigayon sang rally apang naobserbaran naman sini nga nangin malinong ang Trillion Peso March nga ginpatigayon sang tinalikdan.
Abiso ni Rebadomia posible nga may yara sang rerouting nga matabo sa patigayonon nga martsa sa Miyerkules kadungan sa paghanduraw sang People Power Revolution ukon EDSA Revolution.
