Patay ang 41-anyos nga lalaki matapos ginluthang sa Zone 19, Barangay Bacuyangan, Hinoba-an, Negros Occidental alas-8:30 sang gab-i sang Dominggo.
Ginkilala ang biktima nga si alyas “Nelson”, kasado kag residente sang nasambit nga lugar samtang ang suspect naman ang ginkilala nga si alyas “Fel”, 41-anyos nga residente sang Barangay Bacuyangan.
Sa inisyal nga impomasyon, naga-inom sang makahulubog nga ilimnon ang biktima sa balay sang iya tiyo sang hinali lang nga nag-abot ang suspect kag ginluthang si alyas “Nelson” gamit ang homemade shotgun.
Ang biktima ang na-igo sa liog nga nagresulta sang iya kamatayon.
Nadakpan naman ang suspect sa ginpatigayon nga hot pursuit operation sang kapulisan.
Sa karun, yara ini sa kustodiya sang Hinoba-an Municipal Police Station para sa nagaka-igo nga disposisyon.
