Ginpahayag ni former Magdalo Partylist Representative Garry Alejano nga kun madismiss ang kaso ni former President Rodrigo Duterte kag matigayon nga makapauli ini makabatyag sang tuman nga kahadlok ang mga witnesses sa iya kaso kag mga pamilya sang biktima sang extrajudicial killings (EJK).
Sa interview sang Bombo Radyo kay Alejano, sadto sang nagapungko pa si Duterte bilang presidente mabudlay ang paggiyo sang pagpasaka sang kaso batok sa iya bangod nahadlok ang mga tawo.
Suno diri, bisan nag-umpisa na ang administrasyon ni President Ferdinand ‘Bong bong’ Marcos Jr may yara sa gihapon sang impluwensya ang former president.
Suno kay Alejano, kun magbalik si Duterte sa Pilipinas, tuman nga kahadlok ang mabatyagan sang mga witnesses kag pamilya sang biktima bangod bisan ang Interational Criminal Court ginabuyayaw kag ginapahog sini kag mahimo mas masobra pa ang madangatan sang mga ordinaryo nga pumuluyo nga nag-akusar sa iya.
Apang, dako ang pagpati ni Alejano nga maproceed sa trial proper ang kaso ni Duterte.
