Ginreklamo sang isa ka iloy ang gina-alegar pagtampa sa iya nga bata sang ila nga maestra sa Mansilingan Agro Industrial High School.
Sa interview sang Bombo Radyo Bacolod kay Kimberly Salazar, ang bata sini nga si Kent, 14 anyos, grade 7 student, ang may-ara sang naka-away sang Pebrero 23 sang hapon.
Kun sa diin gintapungol sini ang iya nga classmate.
Suno sa iloy, ang isyu ang nasettle man gilayon sa guidance kag principal’s office.
Sang magbalik si Kent sa eskwelahan, wala pa ang ila maestra nga si Maam Marfil gani ini ang naggwa upod sa abyan.
Apang pagbalik nila-ara na ang maestra gani sila ang naggreet na lamang kag nagsulod, apang ini ang wala gintugutan magpungko sa iya pwesto sa baylo siya ang ginpasaylo sang maestra sa likod.
Tubtob nga nakita sang manunudlo nga siya ang wala nakasuksok sang shoe bag.
Suno sa mga classmate sang bata, sa masami ginahaboy lamang sang manunudlo ang sapatos sa gwa sang classroom.
Apang nakibot sila sang ginhambalan ini sang maestra nga kun masakitan ini kun itampa sa iya ang sapatos.
Didto na gintampa sang sapatos sang wala-tuo ni Maam Marfil ang iya nga bata.
Suno diri, nagapanampu-ay pa ang bata sang ini ang ginkomprontar, kag ginpalos gid mismo sang maestra ang nakatabon nga kamot agud ini ang ma-igo.
Suno kay Salazar, wala nagsugid ang iya nga bata, apang pagkabwas, hinali nga nagsulong ang maestra sa ila balay.
Ang lola lang sini ang naka-atubang ni Maam Marfil bangod siya ang yara sa Manila sa pagprocess sa pagkabalik sa abroad.
Suno diri, tuman ang kaakig sang maestra kag nagayawyaw nga ang iya bata ang may sala, kag suno diri gamay ang gintapungol ni Kent.
Siya ang gintawagan sang lola, kag ginsalo man ni Salazar ang demand sa pagbayad sa pagpacheck-up kag resita sang nakontra sang iya bata.
Panindugan sang iloy, nga wala nagid sa lugar ang ginhimo sang manunudlo, gani luyag niya nga ini ang madisiplina kag makuhaan sang lisensya.
Ang complaint ang napablotter naman nila sa kapulisan.
