Gin-anunsyo sang pila ka mga fuel retailers sang Lunes ang liwat nga pagsaka sang presyo sang produktong petrolyo.
Ini ang ika-walo nga sunod-sunod nga semana sang pagtaas sang presyo sang gasolina kag ika-napulo naman sa diesel kag kerosene bangud sang mga pag-atake sa tunga sang United States kag Iran.
Sa naglain-lain nga mga abiso, ang Chevron Philippines Inc. (Caltex), Seaoil Philippines Corp., kag Shell Pilipinas Corp magapataas sang presyo sang gasolina sa P1.90 kada litro, P1.20 kada litro sang diesel kag P1.50 kada litro sang kerosene.
Magapatuman man sang pareho nga mga pagbag-o sang Cleanfuel kag Petro Gazz, maluwas lang sa kerosene nga wala nila ginabaligya.
Magasugod ang mga pagbag-o sa presyo alas-6:00 subong nga aga sang Martes, Marso 3, para sa tanan nga kumpanya, maluwas sa Cleanfuel nga magasugod sang alas-4:01 sang hapon sa amo man nga adlaw.
