Nabatyagan ang magnitude 5.0 nga linog sa ciudad sang Bacolod pasado alas 6:00 ang takna kagab-i.
Sa interview sang Bombo Radyo Bacolod kay Daryl Aro, Science and Research specialist sa Kanlaon Volcano Observatory, ang epicenter sang linog ang yara sa Tigbauan, Iloilo.
Ang reported intensities amo Intensity IV sa Jordan, Guimaras; sa ciudad sang Iloilo; Intensity III sa Valderrama kag Culasi, Antique; Nueva Valencia, Guimaras; Passi City, Iloilo; Intensity II sa Malinao, Aklan; Tapaz, Capiz; San Lorenzo, Guimaras; Lungsod ng La Carlota, Sipalay, at Bacolod, Negros Occidental; San Jose de Buenavista, Antique kag Intensity I sa Ibajay kag Malay, Aklan; Anini’y, Antique; Jamindan, Capiz.
Suno kay Aro, ang linog ang may kadalumon nga 10 kilometers kag tectonic in origin gani wala ini sang kahilabtanan sa aktibidad sang Bulkan Kanlaon.
Suno diri mahimo nga may yara sang naghulag nga mga tectonic plates sa banwa sang Tigbauan.
Panugyan sini nga sa tion nga may linog indi magpanic kag i-practice ang DOCK, COVER AND HOLD kag gilayon nga magpadulong sa safety nga lugar.
