Ginkumpirmar sang resident volcanologist sang Philippine Institute of Volcanology and Seismology (PHIVOLCS) – Kanlaon Volcano Observatory nga may yara sang narekord nga madamo nga aktibidad ang Bulkan Kanlaon sa nakaligad nga 24 oras.
Sa interview sang Bombo Radyo Bacolod kay Daryl Aro, sa nakaligad nga 24 oras ang PHIVOLCS ang nakarekord sang 94 volcano tectonic events.
Suno kay Aro, base sa visual observation ang nasambit nga bulkan ang nakapagwa sang voluminous degassing nga may kataason nga 300 tubtob 1,300 meters kag ini ang padulong sa south-southwest tubtob northwest portion sang Bulkan Kanlaon.
May yara man sang Sulfur dioxide emission ang nasambit nga bulkan nga nagdangat sa 1955 tons kada adlaw.
Suno kay Aro, ang increase unrest sa Bulkan Kanlaon ang nagakahulugan nga may narekord nga pagsaka sang intensity nga associated sang rock fracturing events sa idalom sang Bulkan.
Ini ang mahimo man nga gas, fluid ukon magma movements sa idalom sang bulkan.
Suno kay Aro, bangud ang Bulkan Kanlaon ang nagapabilin sa Alert Level 2, mahimo nga may magluntad ang major events ukon moderate explosive eruption.
