May nahatag na nga food packs kag panapton sa mga biktima sang sunog nga nagluntad sa Prk Lampirong compound sa Brgy 2, Bacolod City, kahapon sang hapon.
Sa interview sang Bombo Radyo Bacolod kay Bacolod CDRRMO Head Dr Ma. Laarni Pornan, gilayon nga ginhatagan sang food packs kag hygiene kits ang mga apektado.
Suno diri, ginhatagan man sila sang folding bed para matulogan nila.
Naghatag sang derektiba si Bacolod Mayor Greg Gasataya nga unahon anay ang mga nagapanguna nga kinahanglanon snag mga biktima.
Nagapasalamat naman si Pornan nga wala sang casualty sa nagluntad nga sunog kag nagpasalig nga hatagan sang bulig ang tanan nga apektado.
Samtang, nahatagan naman sang panapton ang mga biktima sang sunog.
Sa interview sang Bombo Radyo Bacolod kay Punong Barangay Imelda Banguanga sang Brgy 2, Bacolod City, may yara na sila sang nakastock nga supply para ihatag sa tion sang kalamidad.
Halos napulo ka sako sang panapton ang ginrelease para sa mga nasunogan.
Pahayag ni Banguanga, pagkaon ang nagapanguna nga kinahanglan sang mga biktima kag ini ang napalab-ot niya naman sa CDRRMO.
