Padayon ang imbestigasyon sang Bacolod Police Station 8 sa lalaki nga nasapwan patay sa Brgy Pahanocoy, Bacolod City kahapon alas-6:00 sang aga.
Sa interview sang Bombo Radyo Bacolod kay Police Captain Sherwin Galupar, station commander sang Bacolod Police Station 8, wala pa sa gihapon sang identity ang biktima nga nasapwan nga nagahapa kag nagasuksok lamang sang blue nga boxer shorts.
Ginabanta naman nga naga-edad sang 30 tubtob 40 ang lalaki.
Suno diri, ginahulat pa nila ang findings sang Scene of the Crime Operation (SOCO) angot sa biktima.
Samtang, may yara na sang nagtawag sa ila para magpamangkot sa identity sang biktima kag ila ini gin-abisohan nga mas maayo nga personal nila mismo nga lantawon ang biktima para makilal-an kun ila gid man himata.
