Bangod sang report natuhoy sa mga espiya nga konektado sa China, nagpaandam ang Malacañang sa publiko.
Suno kay Palace press officer Claire Castro, ginahingyo ang tanan nga ahensya sang gobyerno nga magbantay, protektahan ang ila opisina, kag siguruhon nga indi ma-kompromiso ang importante nga impormasyon batok sa mga threat sa national security.
Ginpahayag ini pagkatapos ginkumpirmar sang National Security Council (NSC) sang Miyerkules ang mga operasyon sang mga espiya nga may kaangtanan sa People’s Republic of China kag ang posible nga partisipasyon sang pila ka Pilipino.
Pasalig sang NSC nga natapos na kag naresolba ang operasyon sang nasambit nga grupo.
Tatlo ka tawo nga may koneksyon sa espiya ang naaresto pinaagi sa joint operation sang mga ahensya sang gobyerno sa idalom sang Insider Threat Program.
