Ginduso sang Philippine Sports Commission (PSC) ang mas masangkad nga pagpasulod sang Olympic sports sa mga lokal nga athletic meet sang pungsod.
Kadungan sang pagbukas sang ika-32 National Capital Region Athletic Association (NCRAA), gin-engganyo ni PSC Chairman Patrick Gregorio ang mga organizer kag atleta nga ilakip kag hatagan sang atensyon ang mga Olympic sports agud nga mas madamo nga mga kabataan nga Filipino ang maengganyo nga testingan ini.
Suno kay Gregorio, nag-umpisa sa mga local competitions ang pagkadiskubre sang talento sang mga atleta kag mas dako ang interes sang publiko kun makita ang mga Olympic sports sa mga local tournament.
Dugang pa sini, nakahanda ang PSC nga nagbulig sa pagpangita kag paghanas sang mga atleta nga may potensyal nga makapauli sang bulawan nga medalya sa Olympics ilabi na sa Los Angeles 2028 kag Brisbane 2032 Games.
