“Magapas-an sang mabug-at nga krus” ang taxi drivers kun magapadayon pa gid ang pagsaka sang presyo sang gatong.
Sa interview sang Bombo Radyo kay Ronald Allan Pelaez Salgado, Leader ng Samahan ng mga Taxi Drivers sa Bacolod, wala na sang mahimo ang mga taxi driver kun magapadayon pa gid ang pagsaka sang produktong petrolyo.
Apisar sini, suno kay Salgado padayon siya sa gihapon nga magabyahe bangud amo lang ini ang iya nga pangalabuhian para sa iya nga pamilya ilabi na gaskwela pa ang iya mga kabataan.
Suno diri, kun mahimo mahingagaw nalang ini nga magpafull tank kun padayon sa gihapon ang pagsaka sang presyo sang gatong.
Sa isa ka adlaw makakuha lang ini sang pulo ka pasahero kun sa diin maka-income lang siya sang P1,000 kag halos indi na makalab-ot sa P500 ang iya nga mapauli.
Dugang pa sini, mas mabudlay pa gid kun mag semana santa bangud madutay lang mga pasahero.
Nagahingyo man si Salgado sa mga pasahero nga intindihon ang sitwasyon kag magbinuligay nalang ang tanan bangud suno diri, sila ang padayon nga magahatod sang pasahero nga safe sa ila nga pagakadtoan.
