Ginkwestyon ni Senator Rodante Marcoleta si Senate President Tempore Panfilo “Ping” Lacson kun ngaa indi niya pag-imbestigaran ang alegasyon sang mga ginapatihan 18 ka Marines.
Sa iya nga privilege speech, ginpahayag ni Sen. Marcoleta nga dapat magpatigayon sang hearing angot sa mga ginpangsugid sang 18 ka anay Marines.
Dugang pa diri, maathag ang nahibaluan nila nga gin-upod sila ni anay Ako Bicol Partylist Representative Zaldy Co kag nagdeliver sang maleta sa balay sang presidente sa Ilocos Norte.
Suno kay Marcoleta, wala sang may ginhimo nga tikang si Lacson nga imbes ipresentar ang 18 ka mga indibidwal sa publiko, ginkwestyon pa niya ang ila nga kredibilidad.
Suno diri, wala man ginpatawag ni Lacson ang mga ginhingadlan nga mga personalidad sa alegasyon sang 18 ka Marines.
Nagsabat naman si Sen. Lacson nga ang mandato sang Senate Blue Ribbon Committee ang para ipagwa ang kamatuoran sangsa magpakita sang wala basehan nga alegasyon.
