Pilason ang isa ka lalaki matapos ginluthang sa atubang sang korean restaurant sa Prk Liroville, Brgy Singcang-Airport, Bacolod City alas-4:20 kaina sang kaagahon.
Ang biktima ang ginkilala nga si Marque Delos Santos, 36 anyos, lalaki, single, kag residente sang Prk Rosal, Brgy Taculing, Bacolod City.
Samtang ang suspect ang ginkilala nga si Loveniel Rusian, 38 anyos, lalaki, single, kag residente sang Prk Hollowblocks, Brgy Singcang-Airport, Bacolod City.
Sa inisyal nga imbestigasyon sang Bacolod Police Station 8, ang biktima ang nag-agom sang duha ka igo sang bala sa iya nga likod.
Ang supect ang gilayon naman nga nalagyo matapos makomiter ang krimen.
Ini ang gilayon nga gindala sa Sanitarium Hospital sa Bacolod City para sa pagbulong, kag sa karun yara na sa estable nga kondisyon.
Sa karun padayun ang operasyon sang kapulisan sa pagpangita kag pagdakop sa suspetsado.
