Willing ang Negros Occidental Provincial Government nga maghatag sang share para sa fuel subsidies sang mga public utility jeepneys kag public utility vehicles kaangay sang tricycle drivers.
Sa interview sang Bombo Radyo Bacolod kay Negros Occidental Provincial Administrator Atty Rayfrando Diaz, ang Sangguniang Panlalawigan ang magasumiter pa sang proposal kay Negros Occidental Governor Eugenio Jose “Bong” Lacson kun pila ang italana nga budget para sa one-time fuel subsidy.
Paathag ni Diaz nga indi pa klaro kun pila ang share nga magagikan sa Land Transportation Franchising and Regulatory Board, kag kun pila ang commitment sang mga Local Government Units (LGUs).
Suno diri, bangod may 31 ka LGUs sa probinsya, hibaluon pa nila kun pila ang balor nga icommit sang mga ini kasubong man kun pila ka porsyento ang magagikan sa LTFRB, agud makatalana man sang nagakaigo nga budget nga madugang ang Provincial Government.
Tinutuyo nila nga masubsidize ang presyo sang gatong para sa mga PUJs kag PUVs, agud indi man magsaka ang plete.
Isa pa sa ginakahangawa nila ang pagpondo sang ekonomiya kaangay sang nagluntad ang pandemic kun sa diin madamo sang nagsirado nga mga negosyo bangod man sa pagtimbook sang presyo sang gatong.
Nagalaom na lamang ini nga indi na maglala pa ang fuel crisis kag maresolbar na ang kinagamo sa Middle East.
