Barangay Tanod sang Brgy 23 sa isa ka tyagge sa Brgy 22, Bacolod City kagab-i.
Una na nga gin-ako ni Alyas Jeremy ang krimen.// Samtang gin-aresto man ang magulang sini nga si Alyas Junjun kag Alyas Jonathan.
Sa interview sang Bombo Radyo Bacolod kay Alyas Junjun, siya ang yara kahapon sa Brgy Singcang-Airport para magpanukot, sang siya ang gincontact ni Jeremy bangod sa gina-alegar nga may nagasunod sa iya nga isa ka lalaki.
Gilayon man ini nga nagpauli sa ila boarding house sa Brgy 20, kun sa diin nakita sini ang armado, kag siya ang ginluthang man sini.
Gani siya ang nagpalagyo kag naglibot sa Bacolod Police Station 4 agud kuntani magpangayo sang bulig.
Apang wala ginbatun ang iya blotter report, sa baylo siya ang gin-aresto kag ginturn-over sa Bacolod Police Station 1.
Panindugan sini nga siya ang wala sa lugar sang natabo ang krimen.
Nanginwala man si Alyas Jonathan, nga siya ang may kaangtanan sa krimen.
Suno diri, magkatupad lamang ang ila nga kwarto sang mag-utod.
Nagsulod si Jeremy sa iya nga kwarto kag may ginpatong nga plastic, nga wala man sini gintsekyar.
Wala ini sang ideya nga armas-luthang ang unod sang plastic.
Nahibaluan nga narecover kay Jeremy ang KG9 rifle samtang nakuha naman sa kwarto ni Jonathan ang cal. 38 revolver.
