Nag-umpisa na ang fuel monitoring and inspection team sa pagtsekyar sa mga gas stations sa ciudad sang Bacolod.
Suno kay Secretary to the Mayor Atty Marty Go, duha ka team ang gintukod para maglibot sa ciudad kun sa diin isa ka team ang mapatigayon sang inspection sa aga kag isa man sa hapon.
Ang team ginalakipan sang City Administrators Office, City Treasurers Office, Business Permit and Licensing Office, City Legal Office, City Communications Office, kag Bacolod City Police Office.
Suno kay Go, tsekyaron kun nagasunod ang mga gas stations sa regulasyon sa presyo kag lantawon man kun madamo pa sila sang supply.
Suno diri, kun ano man ang ila mamonitor, ini ang ila report nga ibutang sa forms nga ipasa nila sa Department of Energy kada alas- 2:00 sang hapon adlaw-adlaw.
Pa-athag sini nga kun ano man ang mangin resulta sa ila nga monitoring, ang DOE na ang magadagdag sang penalidad.
