80 tubtob 90 porsyento sang banwa sang La Castellana, Negros Occidental ang naka-eksperyensya sang ashfall.
Sa interview sang Bombo Radyo Bacolod kay La Castellana Mayor Añejo Nicor, naeksperyensyahan ang pagtupa sang abo sa barangay Biak na bato, Masulog, Cabacungan, Cabagnaan, Mansalanao, Camandag, Manghanoy, Sag-ang, Lalagsan, Sag-ang, Nato, kag Robles.
Suno diri, kaina sang aga may ginpatigayon na nga flushing sa dalanon kag nagpanawagan ini sa pumuluyo nga magpanglimpyo man sa ila tagsa ka balay.
Suno pa diri, humalin kagab-i ang pagmonitor sini sa sitwasyon kaupod si Vice Mayor Rhummylan Mangilimutan kag nagasapalamat ini nga wala sang dugang nga evacuees.
Pahayag ni Nicor, halos duha ka tuig na nga amo sa gihapon ang sitwasyon sang banwa matapos ang una nga paglupok sang bulkan sang Disyembre 2024.
