Nagsaka ang Philippine tennis pride na si Alex Eala sa panibag-o nga career-high rank nga No. 17 sa kabug-usan standing sang Women’s Tennis Association (WTA) antes ang iya paghampang sa WTA 250 Hong Kong Open.
Santo sa opisyal nga rankings nga ginpagwa sini sang Lunes, nagsaka si Eala gikan sa No. 19 padulong sa No. 17 dala ang kabug-usan nga 2,289 points.
Nalapawan sang Filipina netter ang iya anay career-best na No. 18 matapos makasulod sa quarterfinal finish sang bag-o lamang nagtakop nga 500 Tokyo Open.
Sa umpisa sang iya nga kampanya sa Hong Kong, natalana nga atubangon ni Eala si world No. 59 Alycia Parks sang Martes.
Madumduman nga una na nga nalab-ot ni Eala ang No.18 spot sang Agosto 24 kasunod sang Cincinnati Open, apang nagnubo ini sa No. 20 sang Oktubre 19 matapos makaangkon sa upset losses sa Singapore kag Wuhan.
Madasig naman nga nakabawi ang left-handed star sa Tokyo Open agud nga marekord ang isa ka breakthrough appearance subong nga Asian Swing.
