Nadangat na sa masobra P110 ang presyo sang produktong petrolyo subong nga semana kasunod sa panibag-o na naman nga pagsaka sang presyo.
Naglibot ang Bombo News Team agud matsekyar ang mga presyo sa fuel stations sa ciudad sang Bacolod.
Ang Shell naga-offer sang fuel save diesel sa presyo nga P104.20 kada litro, V- power diesel nga P112.70 kada litro, fuel save gasoline nga P82.30 kada litro, kag V- power gasoline nga P90.20 kada litro.
Ang Caltex naman naga-offer sang diesel sa presyo nga P102.40 kada litro, silver nga P85.00 kada litro, kag platinum nga P86.00 kada litro.// Samtang, ang Caltex naman may yara sang diesel max sa presyo nga P94.20 kada litro, Xtra advance nga P78.10 kada litro, XCS nga P79.10 kada litro, kag turbo diesel nga P96.20 kada litro.
Mahibaloan nga gin-aprubahan na ni Department of Transportation (DOTR) Secretary Giovanni Lopez ang fare hike para sa mga traditional kag modern jeepney.
Suno kay Lopez, himuon na nga permanente ang provisional increase nga P1.00 sa pletehan sang mga traditional jeepney, kag magadugang pa sang P1.00, gani mangin P14.00 na ang base fare para sa 1st four kilometers gikan sa karun nga P12.
Samtang sa modernized jeepney, magadugang man sang P2.00 amo nga gikan sa karun nga P15 nga base fare ini ang magasaka na sa P17.
