Hugot nga gina-monitor sang Bangko Sentral ng Pilipinas ang epekto sang pagsaka sang presyo sang langis sa kalibutan, sa inflation kag ekonomiya sang pungsod antes pa man ang Policy meeting sa Abril 23.
Santo sa BSP, mahimo magatuga ini sang pagsaka sang pamasahe, presyo sang abono, pangkabilugan nga inflation, kag makaapekto man sa mga remittances, trade, kag financial markets.
Suno kay Department of Economy, Planning and Development (DEPDev) Secretary Arsenio Balisacan, posible nga magdangat sa 7.5 percent ang inflation sa mga masunod nga binulan kun magpabilin nga mahal ang presyo sang produktong petrolyo, nga mahimo magpahinay sang pag-uswag sang ekonomiya kag magpanubo sang remittances.
Pahayag sang BSP, pwede ini mag-intervene sa foreign exchange market para mapabilin nga stable ang baylo sang piso matapos ini magnubo batok sa dolyar.
