Isa ang ciudad sang Bacolod nga may pinakamadamo nga salakyan apang sa karun nga nagsaka na ang produktong petrolyo naghagan-hagan na.
Isa man ang pungsod Malta nga naghimo sang tikang agud nga mapahagan-hagan ang nagadamo nga salakyan paagi sa pagtanyag sang 25,000 euros ukon masobra P1.7 million agud i-surrender sang mga tawo ang ila driver’s licenses sa sulod sang lima ka tuig.
Suno sa Transport Minister nga si Chris Bonett, isa sa katuyuan sang Driving License Surrender Scheme amo nga maghimo sang “mobility shock” ilabi na sa mga bataon nga driver kag agud mangin hilway ang dalanon.
Mahimo mabatun ang bayad sa installment nga 5,000 euros ukon masobra P340,000 kada tuig.
Agud mangin eligible sa scheme, dapat naga-edad sang 30 anyos panubo ang driver, residente sang Malta sa nagligad nga pito ka tuig, kag isa na ka tuig nga nagakapot sang driver’s license nga indi suspended ukon revoked.
