Gin-athag sang consultant sang Eastern Mediterranean Manning Agency Inc. nga ang mga barko nga nastranded sa Middle East war zone ang indi mahimo nga i-abandonar sang mga Pinoy seafarers.
Sa interview sang Bombo Radyo Bacolod kay Ship Captain Edgardo Flores, indi mahimo nga abandonahon sang mga seafarers ang barko nga stranded sa Strait of Hormuz matapos nga ini ang ginsirado sang Iran.
Suno kay Flores, humalin pa sadto sang nagasakay pa ini sa barko, kun magpadulong sila sa mga high risks areas kaangay sa palibot sang Strait of Hormuz may mga preparasyon na sila nga ginahimo.
Suno diri, ang mga barko ang may stock sang pagkaon nga para sa duha ka bulan kag may yara nga mainom nga bottled water.
Paathag sini nga sa kaangay nga sitwasyon indi pwede nga biyaan sang crew ang barko, apang ang ship captain ang may gahom sa pagdala sang barko sa safe area ilabi na kun sila ang naka-angkla sa high risks areas.
