Nangin madinalag-on ang ginpatigayon nga diyalogo sang transport leaders sa ciudad sang Bacolod kay Mayor Greg Gasataya.
Kaina sang aga, matapos ang ila pagtililipon sa idalom sang Bata Flyover para magpatigayon sang transport strike kag protest, nagpadulong sa Bacolod City Government Center ang mga drivers kag operators para magdiyalogo kay Mayor Greg.
Sa interview sang Bombo Radyo kay Rudy Catedral, presidente sang Bacolod Alliance of Commuters, Operators, and Drivers (BACOD-Manibela), ginpalab-ot sini sa alkalde ang ila panawagan nga kun tani mahatagan ang tanan sang ayuda.
Suno diri, sa ila sa BACOD-Manibela sa 280 nila ka miyembro, 140 ang wala nadala sa lista sa makabaton sang ayuda bisan kwalipikado man sila tanan.
Suno kay Catedral, nagpasalig na si Mayor Greg nga makig-angot ini sa Land Transportation Franchising and Regulatory Board (LTFRB) agud mahatagan sang pa-athag kun ngaa iban wala nadala sa lista.
