Pagsaka sang fuel prices, magahagan-hagan sa masunod nga semana

Lauman ang paghagan-hagan sa pagsaka sang presyo sang langis sa madason nga semana, kasunod sang pila ka semana nga “big time oil price hikes”.

Ini ang bangud sa de-escalation sang geopolitical tensions sa Middle East.

Apisar mahal gihapon, ginalauman nga gamay lang ang dugang nga saka sa presyo sang gasolina kag diesel bangud sa pagnubo sang presyo sa merkado.

Base sa 4-day trading sang Mean of Platts Singapore, ginalauman nga mas mangin stable ang pagsaka sang gasolina sang tubtob P3 kada litro.

Apang ginapaabot gihapon ang double digit projections sa diesel nga P11 tubtob P12 kada litro ang pagsaka.

Ang opisyal nga price adjustment ang i-anunsyo sang mga kumpanya sang langis sa adlaw sang Lunes kag ipatuman sa adlaw sang Martes.