Gina-alegar nga “hand grenade” ang nakita sa Hacienda Ilado, Barangay Guimbalaon, Silay City, sang Martes sang hapon, Marso 31, 2026.
Sa report sang Silay City Police Station, nakabaton ang mga kapulisan sang Silay City angot sa nakita nga granada.
Antes ang pagresponde nakig-angot ang mga ini sa Provincial Explosive Ordnance Disposal and Canine Unit (PECU).
Mga alas 3:30 sang hapon sang nasamit nga petsa, ang Provincial Explosive Ordnance Disposal and Canine Unit (PECU) sang Negros Occidental Police Provincial Office kag personnel sang Silay ang nagpadulong sa lugar agud i-validate ang report.
Narekober sa lugar ang isa (1) ka MK2 fragmentation hand grenade nga wala na sang safety lever, pin, kag wala man sang payload head assemble.
Sa karon, ang narekober nga explosive ang yara na sa kustodiya sang Provincial Explosive Ordnance Disposal and Canine Unit (PECU)- NIR para sa proper disposal.
