Nalumos ang lima ka tuig nga babayi samtang nagapaligo sa suba sa purok Mahogany, barangay Bunga, banwa sang Salvador Benedicto, kaina alas- 12:30 sang udto.
Sa interview sang Bombo Radyo kay PMaj Ellendie Rebusquillo, hepe sang Salvador Benedicto Municipal Police Station, nagpadulong ang pamilya sa Bago river para maligo apang samtang nagapaligo wala nanotisyaran sang amay nga nalumos ang bata.
Suno diri, matapos ang 30 minutos sang nagahimos na ang pamilya para magpauli didto na lamang nanotisyaran nga wala ang bata.
Ginpangita ang bata kag ginsalom ang suba tubtob nga nakit-an ini nga yara sa madalom nga bahin.
Ginhingagaw pa dala sa ospital ang bata nga babayi apang natigayon nga ginbawian sang kabuhi.
Pahayag ni Rebusquillo, ang pagkapatay sang lima ka tuig nga babayi amo na ang ikatatlo nga kahigayonan nga may nalumos sa suba.
