Easter Egg Hunting, ginpatigayon sa Bacolod City Government Center kahapon

Nagpatigayon sang Easter Egg Hunting activity sa Bacolod City Government Center kahapon, Easter Sunday sa pagpanguna ni Bacolod City Mayor Greg Gasataya.

Sa mensahe ni Mayor Greg, ang egg hunting contest ang kabahin sang Easter Celebration sang ciudad sang Bacolod.

Suno kay Gasataya ang aktibidad ang ginpatigayon agud nga i-treat ang mga kabataan kag may yara man sang pila ka mga pahampang agud nga makahatag sang kalipayan sa mga kabataan sa Bacolod City.

Indi man ini ang una nga bes nga nagpatigayon sang egg hunting contest sa tion sang Easter Sunday sa ciudad sang Bacolod.

Ginakalipay sini nga madamo ang nagparehistro kag nag-upod sa aktibidad.

Ginabanta nga nagdangat sa 1,900 ang nag-upod sa Easter Egg hunting contest kahapon.