Ginpakigbahin ni US President Donald Trump sa iya social media platform ang ginahayag official statement gikan sa Iran.
Sa sulat gikan kay Seyed Abbas Araghchi, Minister of Foreign Affairs sang Iran, ini ang ila sabat sa request ni Pakistani Prime Minister Mian Muhammad Shehbaz Sharif angot sa request sang Estados Unidos para sa negosasyon.
Suno diri, untaton sang Armed Forces sang Iran ang ikla ‘defensive operations’ sa sulod sang duha ka semana, kun untaton man ang mga pag-atake sa ila pungsod.
Sa duha ka semana, may ara sang ‘safe passage’ ukon hilway nga makalabay sa Strait of Hormuz, apang kinahanglan nga magkoordinar sa Armed Forces sang Iran, kag ini ang subject man sa pila ka konsiderasyon kag technical limitations.
Suno kay Araghchi, sila ang nagsugot sa negosasyon kun sa diin ang general framework ang i-base sa 10-point proposal sang Iran.
Ang statement sang Iran ang ginpagwa kasunod lamang sa anunsyo ni Trump nga pagsugot sa duha ka semana nga pagsuspender sa pag-atake sang America.
Nahibaluan nga kahapon, nagrequest ang Pakistan, nga nagaserbe nga isa sa negotiator sa peace negotations sang US kag Iran, nga sila ang hatagan sang duha ka semana agud mahitso ang peace deal.
Madumduman nga alas-8:00 subong nga aga kuntani ang deadline sang pamahog ni Trump nga bombahon ang mga power infrastructures kag mga taytay sang Iran kun indi buksan ang Strait of Hormuz.
