Umpisahan na subong nga adlaw, Abril 8, 2026 ang Fuel Subsidy/Cash Aid Release para sa mga Tricycle Drivers sa Bacolod City.
Ang mga beneficiaries ang makakuha sang P5000 cash aid nagikan sa Department of Social Welfare and Development (DSWD) kag sa karun ang makakuha pa lamang ang mga apelyido nga nagaumpisa sa A kag B.
Sa Bacolod City National High School Arts Center ang magaumpisa alas 8:00 subong nga aga kag yara sa 518 qualified beneficiaries ang i-cater kag ini ang magikan sa Barangay 40, Bata, Felisa, Handumanan, Mansilingan, kag Barangay Sincang-Airport.
Alas 9:00 naman sa aga sa SM City Bacolod North Block kag ag mga beneficiaries ang magikan sa Barangay 10; 11; 12; 13; 14; 16; 19; 20; 22; 23; 24; 25; 26; 27; 28; 29; 30; 32; 34; 36; 38; Barangay Alangilan; Barangay Estefania, Montevista kag Barangay Granada.
Sa Ayala Malls Capitol Central alas 9:00 man ang takna sang aga, kag ang mga Barangay ang magagikan sa Barangay 1, 2, 3, 4, 5, 6, 8; Barangay Banago, Mandalagan, kag Barangay Villamonte samtang alas 8:00 sa aga man magaumpisa sa Bacolod City College Activity Center kag ang mga beneficiaries ang magikan sa Barangay 31; 33; 35; 39; 41; Alijis; Cabug; Pahanocoy; Punta Taytay; Sum-ag; Taculing; Tangub kag Vista Alegre.
Suno kay DSSD head Richelle Verdeprado-Mangga nga ang kinahanglan nga dal-on sang mga tricycle drivers ang valid driver’s license, duha ka set nga photocopy sang valid driver’s license nga may tatlo ka pirma kada kopya kag dapat personal ini nga kuhaon.
Suno kay Verdeprado-Mangga, ang mga wala pa sa listahan ang indi magpanic bangud ginapasunod pa ini kag bantayan lamang ang posting sa page sang DSSD kag page ni Bacolod City Mayor Greg Gasataya.
Suno pa diri may help desk man nga magabulig sa mga indi makita nga pangalan.
Dapat man magkadto sa designated area kun sa diin nabutang ang pangalan bangud kun lain nga venue mahimo nga indi makita ang pangalan.
Nagdangat sa 9617 ka mga tricycle drivers ang mahatagan sang ayuda.
