Ginkumpirmar sang bise alkalde sa banwa sang La Castellana nga may yara sang tatlo ka mga naglain ang pamatyag matapos nga magkaon sang isda nga aloy.
Sa interview sang Bombo Radyo Bacolod kay La Castellana Vice Mayor Rhumyla Mangilimutan nga sa tatlo nagmaayo na ang pamatyag sang isa samtang ang duha ang under observation pa sa health clinic sang banwa.
Suno kay Mangilimutan bangud siya ang Chairperson sang Committee on Health sang La Castellana ang health officer sang banwa, ginreport sa iya sang health officer nga tatlo gid ang reported nga naglain ang pamatyag bangud nga nakakaon sang aloy.
Naghatag man sang abiso ang health officer nga kun mahimo likawan lang anay ang pagkaon sang isda nga aloy bangud madamo na ang kaso sang allergy kag malikawan man ang pagdugang sang reported nga naglain ang pamatyag.
