Nangin matawhay ang una nga adlaw sang distribution sang cash assistance sa mga qualified tricycle driver sa ciudad sang Bacolod.
Ang distribution ang ginpangunahan sang Department of Social Services and Development-Bacolod City.
Makita man ang presensya sang katapo sang medical responders agud nga madasig makaresponde kung kinahanglan.
Sa interview sang Bombo Radyo Bacolod kay DSSD Head Ritchelle Verdeprado-Mangga, generally peaceful ang una nga adlaw sang pay-out.
Suno kay Mangga, wala man sang nabaton nga dalagko nga issues magluwas nalang nga may yara sang isa ka distribution area nga late na nakaumpisa bangud may yara sila sang ginkay-o sa ila nga payroll.
Suno diri apisar sini nakita man nga sa tion nga makaumpisa magatawhay naman ang pay-out.
Ginkalipay man sini nga ang tanan nga tricycle drivers ang nagdala sang photocopy sang ila nga drivers license.
Liwat man ini nga nagpanugyan sa mga beneficiaries nga hulaton ang scheduled pay-out kag sa designated area lamang makadto agud nga magkuha sang cash assistance.
Nahibaluan sa ciudad sang Bacolod nagdangat sa 9617 ang natalana nga makabaton sang cash aid nga P5000 kada isa.
Nangin maayo naman ang turn-out sa una nga adlaw sang pay-out sang fuel subsidy para sa mga eligible tricycle drivers para sa 19 cities sa kabug-usan nga rehiyon.
Sa interview sang Bombo Radyo Bacolod kay Department of Social Welfare and Development (DSWD) Director Erwin Razo, wala sang reported nga mga problema sa una nga adlaw sang distribution sa kabug-usan nga rehiyon para sa fuel subsidy sa mga tricycle drivers.
Suno kay Razo, simultaneous ang ila nga pagpanagtag sang fuel subsidy kag nangin maayo man.
Suno diri, may yara sang gamay nga mga gaps apang tun-an nila ini agud nga makay-o sa madason nga pay-out.
Ginpahayag sini nga may yara man sang mga wala nakakuha apang kumpletuhon sang mga ini ang distribution subong nga adlaw apang ang Bacolod City may tatlo ka adlaw nga gintalana agud nga kumpleto nga mapanagtagan ang masobra 9000 beneficiaries.
Ang ginbasehan nga data para sa mga beneficiaries ang nagikan sa mga LGUs.
Natalana naman nga mahatagan ang mga tricycle drivers sa kabanwahan.
