Ginalantaw sang political analyst sa ciudad sang Bacolod nga sa madason nga semana maganubo na ang presyo sang produktong petrolyo bangud sa duha ka semana nga ceasefire sa tunga sang US Israel kag Iran.
Sa interview sang Bombo Radyo Bacolod kay Atty. Jomax Ortiz, ang sigurado nga epekto sang ceasefire amo ang pagnubo sang presyo sang gatong kag ginalantaw nga indi na magdangat sa P200 ang kada litro.
Suno kay Ortiz kun wala sang ceasefire dako nga problema kag bangud nga sirado ang Strait of Hormuz nga nahalinan sang 20 percent nga supply sang gatong, lauman nga magsaka pa dugang ang presyo sang produktong petrolyo.
Samtang ginpahayag man ni Ortiz nga si President Donald Trump ang mahimo ma-impeached sang US Congress sa ikatatlo nga tion.// Ini bangud nga ang pag-atake sini sa Iran ang wala man sang approval sang kongreso.
Suno kay Ortiz, indi pa ma-predict kun ano ang masunod nga matabo pagkatapos sang ceasefire apang ang masiguro lamang nga manubo ang presyo sang produktong petrolyo.
Ini bangud ang barko nga nagadala sang crude oil sa Pilipinas ang makalabay na sa Strait of Hormuz.
